तेरणा कॉलेज ऑफ इंजिनिअरिंग, धाराशिव येथे आयटी आणि टेलिकाॅम क्षेत्रातील जगप्रसिद्ध कंपनी AWS यांचे ट्रेनिंग सेंटर स्थापनेस मान्यता.

 

धाराशिव, दि. 06 ऑगस्ट 2026*
तेरणा पब्लिक चॅरिटेबल ट्रस्ट संचलित *कॉलेज ऑफ इंजिनिअरिंग, धाराशिव या संस्थेला Amazon Web Services (AWS) ट्रेनिंग सेंटर स्थापन करण्यास अधिकृत मान्यता प्राप्त झाली आहे.  
या सेंटरचे मुख्य वैशिष्ट्ये:
1. *प्रशिक्षण*: या सेंटरद्वारे महाविद्यालयातील प्राध्यापक व विद्यार्थ्यांना Cloud Computing, Artificial Intelligence, Data Science, Cyber Security आणि इतर आधुनिक तंत्रज्ञानाचे प्रशिक्षण देण्यात येणार आहे.  
2. *जागतिक प्रमाणपत्र*: प्रशिक्षण पूर्ण केल्यानंतर विद्यार्थ्यांना AWS चे जागतिक स्तरावर मान्यताप्राप्त प्रमाणपत्र मिळू शकणार आहे.  
3. *उद्योगाभिमुख कौशल्य*: AWS हे जगातील अग्रगण्य क्लाऊड प्लॅटफॉर्म आहे. या सेंटरमुळे विद्यार्थ्यांना उद्योगांसाठी आवश्यक असणारी कौशल्ये मिळून प्लेसमेंटच्या संधी वाढणार आहेत.  
प्राचार्य डाॅ.विक्रमसिंह माने यांनी *तंत्रज्ञान आणि उद्योग यांच्यातील दरी कमी करणे हा आमचा उद्देश आहे. या AWS ट्रेनिंग सेंटरमुळे धाराशिवमध्ये राहून दर्जेदार प्रशिक्षण येथेच मिळणार आहे. लवकरच आम्ही प्राध्यापकांसाठी प्रशिक्षण कार्यशाळा सुरू करणार आहोत* असे सांगितले .
प्रा.अनिरूद्ध देशपांडे AWS ट्रेनिंग सेंटर चे कोआर्डिनेटर म्हणून पाहत आहेत तर प्रा.दिपमाला भक्ते , प्रा.राजेश सरवदे , प्रा.अभिजीत बोरकर , AI&DS विभागप्रमूख प्रा.प्रदीप पवार , प्रा.कृष्णकांत मूळे , प्रा.मनिषा वाकूरे , प्रा.अमृता पिंपळे , प्रा.वैष्णवी पाटील हे कोर्स ईन्स्ट्रक्टर म्हणून काम पाहतील . 
प्रामूख्याने ईलेक्ट्राॅनिक्स अॅंड टेलिकाॅम , आर्टिफिशिअल ईंटलिजंस अॅंड डेटा सायंस , कम्प्यूटर सायंस अॅंड ईंजिनिअरींग विभागातील विद्यार्थ्यांना याचा लाभ होणार आहे तसेच मेकॅनिकल आणि सिव्हील क्षेत्रातील विद्यार्थी ज्यांना AWS या क्षेत्रात काम करायचे आहे त्यांनाही लाभ घेता येणार आहे .

तेरणा ट्रस्टचे अध्यक्ष डाॅ.पद्मसिंह पाटील , आमदार राणाजगजीतसिंह पाटील , विश्वस्त मल्हार पाटील , व्यवस्थापकीय समन्वयक प्रा.गणेश भातलवंडे यांनी या उपक्रमाबद्दल अभिनंदन केले असून, या सेंटरमुळे मराठवाड्यातील तांत्रिक शिक्षणाला नवी दिशा मिळेल असा विश्वास व्यक्त केला.
या निर्णयामुळे *तेरणा ट्रस्ट संचलीत कॉलेज ऑफ इंजिनिअरिंग, धाराशिव* ही प्रदेशातील आघाडीची तंत्रशिक्षण संस्था म्हणून अधिक बळकट होण्यास मदत मिळेल व विद्यार्थी यांची स्किल वाढेल.